A nosa sociedade avanza e as historias que as nenas e nenos len deben reflectir esa realidade, axudando a construír unha sociedade mais igualitaria, rompendo estereotipos, educando as emocións e amosando unha visión do mundo baseada na tolerancia, a igualdade, o respecto, etc.
As pequenas e pequenos precisan libros onde as nenas e nenos protagonistas, independentemente do seu sexo, poidan elexir os seus soños, desexos e ilusións e ter as mesmas oportunidades para acadalos.
Tamén son necesarios os libros cos que se fomente a autoestima. Pensemos que a base para acadar unha sociedade na que nos tratemos ben uns aos outros é que as persoas que forman esa sociedade sexan capaces de quererse a sí mesmas, pois para aprender a ver a beleza nos demais primeiro temos que ser capaces de vela en nós mesmos.
A Literatura Infantil e Xuvenil en ocasións continúa reflectindo roles e estereotipos de xénero e representando valores que non transmiten igualdade, por iso dende o Equipo de Biblioteca do CEIP Plurilingüe Ría do Burgo, convencid@s de que temos que traballar dende as familias e dende a escola para educar na igualdade, propoñémosvos esta escolma de contos para traballar na coeducación:
Agardamos que Os Reis Magos tomen boa nota e inclúan estas propostas de lectura nos agasallos deste ano.
