2 de abril: Día Internacional do Libro Infantil

 Coma en anos anteriores, o Ibby (International board on books for young people) chama á conmemoración do Día Internacional do Libro Infantil o día 2 de abril, data de nacemento de Hans Christian Andersen. A responsabilidade do cartel e o díptico deste ano 2018  correspondeulle a Letonia. Ten a autoría do texto a escritora letona Inese Zandere, poeta, editora e activista da promoción da lectura quen titula a súa mensaxe: Os libros fan grande o máis pequeno.

Pola súa parte, a imaxe do cartel é do ilustrador Reinis Petersons, recoñecido debuxante deste país báltico. 

Galix, Asociación Galega do Libro Infantil e Xuvenil, facilítanos a mensaxe, con tradución ao galego. 

Díptico en galego e información sobre os autores

Fomentando o gusto pola lectura

Os maiores do colexio fomentan o gusto pola lectura no alumnado de menor idade.
Por iso, periódicamente visitan as aulas dende 3 anos ata 1º de Educación Primaria contándolles historias cheas de aventuras, fantasía e maxia. Historias que os transportan a mundos lonxanos e os convidan a voar coa imaxinación.

Aproveitamos a ocasión para lembrar o importante que é para os máis pequenos que lles conten contos.

ACTIVIDADES DO CONCELLO DE CULLEREDO

LUNS 2 DE ABRIL
Biblioteca González Garcés (O Burgo)
18:30 horas
Contacontos máis obradoiro: o cociñeiro Antón e a pasteleira Tomasa
Para nen@s a partir de 3 anos.
Recollida de invitacións.

VENRES 6 DE ABRIL
Biblioteca González Garcés (O Burgo)
18:30 horas
Contacontos coa dragona Ramona: O que escoitou a xoaniña.
Para nen@s a partir de 3 anos.
Entrada libre.

Obradoiro de contos en Culleredo

Obradoiro de contos: os meus pequenos medos
DATA: venres, 23 de marzo
LUGAR: Biblioteca González Garcés do Burgo (Rúa Ramón Cabanillas, 14)



HORA: 18:30
IDADES: para nen@s de 5 a 8 anos.
PREVIA INSCRICIÓN NA MESMA SEMANA

Contacontos coa Dragona Ramona

VENRES 16 DE MARZO

Biblioteca Cardeso Liñares de Vilaboa. 18.30 h:

Contacontos coa Dragona Ramona: A voda dos ratos.

A partir de 3 anos. Entrada libre.

A terceira visita de Brújula ao noso colexio.

Brújula chegou cargada cunha mochila moooooooi grande.

Explicounos que estaban tentando chegar aos Tres Picos do Dragón. Traía unhas palabras máxicas que lle entregou o Mago Alfa e que servían para durmir aos dragóns. As palabras estaban nuns cofres pechados con chave, pero as chaves estaban agachadas polo cole e tivemos que saír da clase na súa procura.



Finalmente conseguimos atopar todas as chaves e abrimos os 4 cofres.
Dentro estaban as palabras para durmir aos dragóns, pero para poder ler as palabras precisamos da linterna máxica que tiña Brúxula, porque no papel non se vían as letras.

Ademais, conseguimos 400 metros de escalada ! ! !

Aqui vos deixamos unha escolma en imaxes da visita.

24 de febreiro: DÍA DE ROSALÍA.

O 24 de febreiro está recollido no calendario do Libro e da Lectura, publicado pola Consellería de Cultura, Educación e Ordenación Universitaria, como o aniversario do nacemento de Rosalía de Castro, a poeta de referencia da literatura galega, unha muller que se amosa actual e poderosa.



Este ano, por coincidir en fin de semana, trasladamos a celebración ao luns 26 de febreiro. Reunímonos no patio onde  Rosalía cobrou vida nas voces dos nenos e nenas a través de recitais, lecturas compartidas, etc.

Decoramos as escaleiras principais do noso colexio cos seus versos para que nos acompañen todos os días do ano.

Despedimos a entrada adicada a esta muller innovadora, comprometida e adiantada ao seu tempo, con tres fermosos vídeos.