ACTIVIDADES MOTIVADORAS

CAIXAS SORPRESA!!!
Chegaron ás nosas clases unhas caixas sorpresa!!!
No seu interior había unhas imaxes sorprendentes. Cal será o motivo polo que chegaron estas caixas a tódalas clases? Quen as mandará?
Seguro que pronto o descubrimos!!!

DIFFERENT WORLD

Despois de recibir esta caixa, en todos os cursos vimos o vídeo de Alan Walker "Different world", que tamén ten imaxes impactantes.. Foi con este vídeo, como descubrimos a temática do PDI deste curso "O CAMBIO CLIMÁTICO"

Aquí vos deixamos o enlace para que poidades ver o vídeo:

https://www.youtube.com/watch?reload=9&v=y_WW4i1yEq0

PASAPALABRA

Drilo e Abayomi propuxéronnos xogar ao pasapalabra. Despois de traballar na clase co vocabulario de Exipto, xa estamos listos. Xogamos tódalas clases.

A NOSA AVENTURA POR EXIPTO

Este curso desfrutamos moito aprendendo sobre Exipto, aquí tedes un resumo desta aventura, estade atentos e atentas porque ao final do video espéravos unha sorpresa!!!!

Pirámide escalonada de Zóser

Conseguimos tódolos retos!!!!
O último reto que nos propuxeron Drilo e Abayomi foi construir entre todos a pirámide escalonada de Zóser. Este foi o resultado.

ROBOTS EN EXIPTO!!!!

Os nenos e nenas de 3º de Primaria prepararon uns taboleiros xeniais sobre Exipto para xogar cos escornabots.  Estes Xogos e robots, estarán na biblioteca do colexio para que todos e todas poidades desfrutar con eles.

Pero para que saibades como utilizalos, aquí tedes dous videos onde se explica como xogar con estes taboleiros.

ANIMAIS EXIPCIOS

Foron os/as nenos/as de 4º de EI os que investigaron os animais exipcios. Despois de buscar animais nos libros da biblioteca, inventaron adiviñas para os mesmos. O resultado foi un taboleiro para xogar co escornabots. Como axuda para ler, utilizaron un boli especial, o Anybook.

COMO BUSCAR NA REDE

Ola de novo!! Aquí vos deixamos unha guía con consellos para buscar na rede, esperamos que sexa de utilidade.

Descargar a presentación: http://cort.as/-HpfQ